ഉത്സവക്കാഴ്ച്ച

വാരിവിതറിയ നിറമഴകായ നി‌ൻ‌
ഉടയാടക‌ൾ‌ പുതു വ‌ർണ്ണങ്ങളോ
തൂമന്ദഹാസം അലങ്കാരമായ നി‌ൻ‌
ചലനങ്ങൾ‌ പുതു നടനങ്ങളോ

തറിയോടമായ നി‌ൻ‌ മിഴിമുനകൊണ്ടു നീ
ശിവരാത്രി ദീപങ്ങ‌ൾ‌ പക‌ർത്തിടുമ്പോ‌ൾ‌
അനുവാദമില്ലാതെ അറിയാതെ നിന്നുടെ
അകതാരിൽ‌ കൂടൊന്നു കൂട്ടീ ഞാൻ‌

മാനത്തു വർ‌ണ്ണങ്ങൾ‌ വാരിവിതറുമ്പോ‌ൾ‌
തെളിയുന്ന നുണക്കുഴി കവിളഴകി‌ൽ‌
വൈഡൂര്യക്കല്ലുപോലശ്രുകണങ്ങൾ‌
തെന്നിവീഴാൻ‌ ധ്ര്‌തി കാട്ടുകയായ്

അമ്പലപ്പറമ്പിലെ ആൽമരച്ചോട്ടി‌ൽ‌
ആരവമൊഴിഞ്ഞ വേളയിലും
മൌനാനുരാഗത്തിൻ‌‌ മന്ത്രങ്ങളുരുവിടും
പൂജാരിയെപ്പോൽ‌ നിന്നുപോയ് ഞാൻ‌