നൈവേദ്യം

ശ്രുതി ചേർന്നു പാടുന്ന വേളയിൽ മനസ്സിലെൻ
ശ്രുതിയായ്‌ ലയമായ്‌ നീ വേണമമ്മെ
ഗുരുപൂജ ചെയ്തിടുമടിയന്നാശ്രയം
ഗുരുസമക്ഷത്തെയനുഗ്രഹം മാത്രം

തുടികൊട്ടിപ്പാടുന്ന പുലർകാല വേളയിൽ
തുണയായി വന്നു ഞാൻ നമസ്കരിക്കാം
ജപമന്ത്രമുയരുന്ന ചുറ്റമ്പലത്തിൽ
ജയജഗതമ്മയെ വലം വച്ചിടാം

ശയന പ്രദക്ഷിണ വീഥിയിലമ്മെ ഞാൻ
ശതകോടി ജനങ്ങളിലൊരുവനാകാം
പാവന സന്നിധി തേടുന്നവർ തൻ
പാപങ്ങളൊക്കെയും പൊറുക്കണമേ

നേർച്ചയായ്‌ പാടുന്ന പാട്ടുകേട്ടമ്മെ നീ
നേർവഴിക്കെന്നെ നയിക്കണമെ
നേരുന്നു ഞാനീ പാദപത്മങ്ങളിൽ
നൈവേദ്യമായെന്റെയശ്രുപുഷ്പം