മായാലോകം

മൊട്ടിട്ട പൂവാണിളം പ്രായമെന്നോതും
മുത്തശ്ശിമാരും മയക്കത്തിലോ
മാറ്റങ്ങൾ കരിമിഴി മാറിലണിയുമ്പോൾ
മാലോകരൊക്കെയും മാറുന്നുവോ
പെൺകിളി മായാലോകം തിരയുന്നുവോ....

മുത്തശ്ശിത്തണലിൽ ചിട്ടവട്ടങ്ങളിൽ
പൂത്തുലയും കാലമകലുന്നുവോ
മുത്താത്ത നറുപൂവിതളായ്‌ വിരിയാൻ
പൂത്തുമ്പിതൻ ഗീതമറിഞ്ഞിടേണം

ആശകൾ മോഹങ്ങൾ സ്വപ്നങ്ങൾ ചിറകടി-
ച്ചാകാശ വേഗത്തിലാരെ തിരഞ്ഞാലും
അറിയുക നിനക്കു നീ മാത്രമേയുള്ളൂ....
നിനക്കു കൂട്ടായി നീ മാത്രമേയുള്ളൂ.....